ពលរដ្ឋកម្ពុជា ស្នើឲ្យអន្តរជាតិថ្កោលទោសទៅលើប្រទេសសៀម ខណៈបាញ់ផ្លោងលើជនស៊ីវិលក្នុងភូមិសាស្ត្រក្រុងប៉ោយប៉ែត សរុបជាង ៤០គ្រាប់ បង្កឱ្យមានការភ័យខ្លាច
(បន្ទាយមានជ័យ)៖ គ្មានអ្វីដែលសាហាវឃោរឃៅជាងប្រទេសមួយដែលខុសគេ ដោយប្រជាពលរដ្ឋតែងតែឲ្យរហ័សនាមថា ចោរសៀមនោះទេ បង្ករបញ្ហាមិនចេះចប់មិនចេះហើយរំលោភបំពាន មកលើដែនអធិបតេយ្យភាពរបស់កម្ពុជា ដោយបាញ់កាំភ្លើងធុនធ្ងន់ បាញ់ផ្សែងពុល បង្ហោះដ្រូននិង យន្តហោះទម្លាក់គ្រាប់យ៉ាងអាណាធិបតេយ្យទៅលើជនស៊ីវិលស្លូតត្រង់ក្នុងទឹកដីកម្ពុជា ប្រមាណជិត ១០០គីឡូម៉ែត្រ នៅភូមិសាស្ត្រខេត្តបន្ទាយមានជ័យ បណ្ដាលឱ្យខូចខាតហេដ្ឋារចនាសម្ព័ន្ធផ្លូវថ្នល់ ស្ពាន សាលារៀន មន្ទីរពេទ្យ ផ្ទះសម្បែង របស់ប្រជាពលរដ្ឋ បង្កឲ្យមានការភ័យខ្លាច សម្រេចចិត្តភាសឹកចេញពីលំនៅឋានដើម្បីទៅរកទីទួលមានសុវត្ថិភាព ។ ជាក់ស្ដែងដូចជានៅក្នុងក្រុងប៉ោយប៉ែតនារសៀលថ្ងៃទី២១ ខែធ្នូ ឆ្នាំ២០២៥ សៀមបានបាញ់ប្លោងប្រភេទកាំភ្លើងធុនធ្ងន់ពីទិសដៅក្បែផ្សាររោងក្លឿ ប្រទេសសៀម ចូលមកទឹកដីកម្ពុជាក្នុងភូមិសាស្ត្រក្រុងប៉ោយប៉ែត ក្បែតាមបណ្ដោយផ្លូវជាតិលេខ ៥ សរុបជាង ៤០គ្រាប់ ខណៈកម្ពុជាមានការអត់ធ្មត់មិនតបត បង្កការភ្ញាក់ផ្អើលជាខ្លាំង ។ប្រជាពលរដ្ឋខ្លះក៏បានភាសខ្លួនចេញ រីឯពលរដ្ឋខ្លះទៀតភាគច្រើនគឺមិនចេញទៅណានោះទេ មានទាំងជនបរទេសច្រើនសាសន៍ ពិសេសជនជាតិថៃខ្លួនឯងទៀតផង ស្នាក់នៅ ធ្វើការងារ និងទិញរបស់របរហូបចុកធម្មតាគ្មានការភ័យព្រួយ។ ខណៈដែលកំពុងមានការភ្ញាក់ផ្អើលប្រជាពលរដ្ឋបានភៀសខ្លួនចេញខ្លះៗនោះ អាជ្ញាធរបានធ្វើការណែនាំមិនឲ្យចាកចេញ ដើម្បីធានាបាននូវសុវត្ថិភាពខ្ពស់ ព្រោះថាសៀមកំពុងបាញ់ប្លោងចំ ចំណុចក្បែតាមណ្ដោយផ្លូវជាតិលេខ ៥ ។តែទោះយ៉ាងនេះក្តីមានប្រជាពលរដ្ឋជាច្រើននូវតែបន្តធ្វើដំណើរឆ្លងកាត់ទៅមក ប្រកបរបររកទទួលទានដូចជាធម្មតា ពោលគឺអ្នកទៅក៏ទៅ ហើយអ្នកនៅក៏នៅ ហើយគិតត្រឹមម៉ោងជាង ៥ល្ងាចមានសភាពស្ងប់ស្ងាត់ទៅវិញ ពោលគឺសៀមបានផ្អាកការបាញ់ផ្លោងចូល ៕
